די ערשטע זאך: מ’בלייבט נישט מיט פארלייגטע הענט! ווייל דאס העלפט נאך צו אז די שיף זאל טאקע אנהויבן איינצוזינקען.

וואס יא? מיר וועלן אייך צום ערשט העלפן אידענטיפיצירן וואס עס איז דער שורש פונעם פראבלעם, צומאל איז עס טיף באהאלטענע ווארצלען, וואס איז האט איצט אנגעהויבן ארויסצואוואקסן.

דאן וועלן מיר אייך העלפן אפצוהאלטן דעם פראבלעם פון שטייגן, און דערנאך וועלן מיר אייך העלפן גיין ווייטער שטאפלווייז, און באגלייטן ביזן ענדגילטיגן לעזונג בס”ד.

ס’איז אונז א פרייד צו מעלדן איבער די גאר אינפארמאטיווע קורסעס וואס ווערן צוגעשטעלט פאר היימישע אינגעלייט און בעלי בתים, וועלכע באשעפטיגן זיך צו שאפן געלט פאר מוסדות הקדושים און אנפירן מיט וואוילטעטיגע אקטיוויטעטן.

טראץ דעם וואס “קורסעס און טעלע-קורסעס” איז שוין לאנג אריין אינעם היימישן לעקסיקאן, ווי מ’זעט ווי יעדער טאלאנטפולער מענטש קען ווערן אן עקספערט אין זיין באשעפטיגונג, איז אבער דער פרישער קורס פאר “היימישע פאנדרעיזערס, קאלעקטערס און משמשים” א באזונדערע דורכברוך וואס איז ביז היינט נישט געווען, ספעציעל אז אזויפיל היימישע אידן באשעפטיגן זיך מיט קאלירפולע ארבעט פאר מוסדות, קהילות און ארגאניזאציעס.

די קורסעס זענען אויסגעשטעלט און צוזאמגעפלאכטן אויף גאר אייגנארטיגן שטייגער, צו פארגריגערן די עבודת הקודש אויף אלע אופנים: עסקנות, מקור הפרנסה, צרכי ציבור און ממון הקדש, אזוי אז אלע אקטיוויטעטן ווערן געפירט אויף א גאר פראפעסיאנאלן אופן.

באזונדער ווערן די קורסעס ווערן געגעבן אין בלויז איין טאג, און מ’קען זיך אין בלויז געציילטע שעות ארויפרוקן צו די העכסטע שטאפלן, און ארבעטן פיל גרינגער אין די זעלבע צייט וואס מ’איז פילפאכיגט מער פראדאקטיוו.

די פראפעסיאנאלע קורסעס זענען שוין געגעבן געווארן פאר גאר טאלאנטפולע עסקנים און כלל טוער’ס, ווי זיי האבן דאס אויסטערליש משבח געווען, און ס’האט זיי אויך פארגרינגערט די ארבעט אויף ווייטער, אין א בחינה פון תן לחכם ויחכם עוד.

דער שליסל איז קודם: צו זיין קלאר וועלכע מהלך איז געאייגנט פאר אייער מוסד, ווייל ס’איז לא ראוי זה כראוי זה, במלוא מובן המילא.

וויבאלד ס’איז פארהאן אזויפיל אפציעס, קען מען דאך נישט אלעס אליין אויספרובירן: פאנדרעיזינג אין שולן, דינער’ס, אפיל’ס, ראפעל’ס, אנליין, איינמאליגע קרן הבנין, גיין צו נגידים אין ביזנעס, אינדערהיים, מסיבות לויט יארגאנג, מלוה מלכה, קינדער פושקע’ס, פרויען פארטי’ס, טשייניס אוקשען, שיקן אימעיל’ס, סטאטוס, ארומקאלן אויפן טעל, בריוון אויף פאסט, ועוד.

מיר קענען אייך העלפן אנאליזירן די ‘גאנצע’ ארגאניזאציע, און דורכדעם אידענטיפיצירן גענוי וועלכע מהלך איז ממש געגאסן פאר אייך.

עס איז היינט פארהאן אסאך קאמפאניס וואס קענען אייך צושטעלן פארשידענע סערוויסעס פאר מעינטענענס און יוטיליטיס, ווי אויך ענליכע אקטיוויטעטן וואס מ’קען ארויסגעבן (OUTSOURCE).
אבער כדי דאס צו קענען טון בשלימות דארף מען גוט קענען די נאטור פונעם בנין / בנינים, צו וויסן מיט וואס אנצוהויבן דאס אינצופעדעמען.
מיט אונזער לאנגיעריגע עקספיריענס אין מענעדזשמענט, קענען מיר אייך העלפן אנאליזירן אויב דער בנין, מאשינערי און אפלייענסעס פונקציאנירן ריכטיג, אזוי וועט מען צושטעלן די שנעלסטע מהלך, וואס קען איינשפארן אומגעהויערע הוצאות, וואס גייט איצט לטמיון על קרן הצבי…

אייגענטליך, טראגן א מוסד אויף די פלייצעס ‘מוז’ נישט זיין שווער, די סיבה פארוואס עס שפירט זיך אזוי, איז ע”פ רוב ווייל ס’פעלט ‘קלארקייט’ וואס עס איז דער גורם פאר די שוועריקייט, פונקט ווי אין פערזענליכן לעבן און ביזנעס.
און וויבאלד מיר האבן שוין מיטגעארבעט מיט הונדערטער ראשי קהילות און מנהלי המוסדות, קענען מיר בעזה”י העלפן פארגרינגערן דעם שווערן עול, און ביז א קורצע צייט וועט איר זען ‘אסאך נחת גרינגערהייט’ פון אייער מוסד.
און צומאל ווען מ’האלט שוין דארטן, נעמט מען אפילו פרישע פראיעקטן לטובת כלל ישראל… אז ס’איז געשמאק, פארוואס נישט?!

עס איז וויכטיג אז א מוסד זאל האבן א רוקן-ביין, אין פאל עס פאסירט טאקע א קאטאסטראפע, אבער עס “מוז” נישט פאסירן…
און די איינציגסטע וועג איז דאס צו פארמיידן, איז נאר דאס פלאנירן פון פאראויס, און ס’איז קיינמאל נישט צו פרי, והזריז נשכר!