די ערשטע זאך: מ’בלייבט נישט מיט פארלייגטע הענט! ווייל דאס העלפט נאך צו אז די שיף זאל טאקע אנהויבן איינצוזינקען.

וואס יא? מיר וועלן אייך צום ערשט העלפן אידענטיפיצירן וואס עס איז דער שורש פונעם פראבלעם, צומאל איז עס טיף באהאלטענע ווארצלען, וואס איז האט איצט אנגעהויבן ארויסצואוואקסן.

דאן וועלן מיר אייך העלפן אפצוהאלטן דעם פראבלעם פון שטייגן, און דערנאך וועלן מיר אייך העלפן גיין ווייטער שטאפלווייז, און באגלייטן ביזן ענדגילטיגן לעזונג בס”ד.

קודם דארף מען זען ‘וויפיל’ אפציעס ס’איז דא בכלל, און נאכדעם: וואס עס קען ארבעטן ביי אייך, און נאכמער ‘וואס ס’קען נישט’ ארבעטן…
דאס עצם דעקן א מוסד ‘פערצופאל’ מיינט נישט אז ס’איז א גוטע מהלך, אפשר קען מען גאר טאפלען די הכנסות?

ס’איז היינט א וועלט מיט אגענטורן וואס קענען אייך העלפן מיט אומצאליגע געלטער פון פארשידענע קוועלער, במילא איז ראטזאם צו אנאלזין די ‘ביג-פיקטשער’ און זען וויפיל איר קענט נהנה זיין פון די היינטיגע שפע, מיט די מינימאלע ארבעט.

דער שליסל איז: צו זיין קלאר וועלכע מהלך איז געאייגנט פאר אייער מוסד, ווייל ס’איז לא ראוי זה כראוי זה, במלוא מובן המילא.

ס’איז פארהאן צופיל אפציעס, צו קענען אלעס אליין אויספרובירן: פאנדרעיזינג אין שולן, דינער’ס, אפיל’ס, ראפעל’ס, אנליין, איינמאליגע קרן הבנין, גיין צו נגידים אין ביזנעס, אינדערהיים, מסיבות לויט יארגאנג, מלוה מלכה, קינדער פושקע’ס, פרויען פארטי’ס, טשייניס אוקשען, שיקן אימעיל’ס, ארומקאלן אויפן טעל, בריוון אויף פאסט, ועוד.

מיר וועלן אנאליזירן אייער ‘גאנצע’ ארגאניזאציע, און אידענטיפיצירן גענוי וועלכע מהלך איז געאייגענט צפעציפיש פאר אייך.

עס איז היינט פארהאן אסאך קאמפאניס וואס שטעלן צו עטליכע ערליי סערוויסעס פאר מעינטענענס און יוטיליטיס, ווי אויך אקטיוויטעטן וואס מ’קען ארויסגעבן (OUTSOURCE).
אבער כדי דאס צו קענען טון בשלימות דארף מען קענען די נאטור פונעם בנין / בנינים, צו וויסן ווי צו אנהויבן דאס אינצופעדעמען.
מיט אונזער לאנגיעריגע עקספיריענס אין מענעדזשמענט, וועלן מיר אייך העלפן אנאליזירן אויב דער בנין און מאשינערי פונקציאנירט ריכטיג, און דערנאך וועלן מיר אנווייזן וועלכע מהלך צו נעמען, אייך צו קענען איינשפארן אומגעהויערע הוצאות, וואס איז א שאד צו באצאלן על קרן הצבי…

אייגענטליך, טראגן א מוסד אויף די פלייצעס ‘מוז’ נישט זיין שווער, די סיבה פארוואס עס שפירט זיך אזוי, איז ע”פ רוב ווייל ס’פעלט ‘קלארקייט’ פון ווי די שוועריקייט האט זיך אנגעהויבן, פונקט ווי אין פערזענליכן לעבן און אין ביזנעס.
און וויבאלד מיר האבן שוין מיטגעארבעט מיט הונדערטער ראשי קהילות און מוסדות, וועלן מיר אייך בעזה”י העלפן אראפנעמען דעם שווערן עול, און ביז א קורצע צייט וועט איר זען ‘אסאך נחת גרינגערהייט’ פון אייער מוסד.
און צומאל ווען מ’האלט שוין דארטן, נעמט מען אפילו נאך פראיעקטן לטובת כלל ישראל… אז ס’איז געשמאק, פארוואס נישט?!

דאס אליין אז נישט יעדע מוסד האט עכט מורא פון א קאטאטראפע איז פשט, אז עס ‘מוז’ נישט פאסירן…
און די איינציגסטע וועג איז דאס צו פלאנירן פון פאראויס, און ס’איז קיינמאל נישט צו פרי, והזריז נשכר!