צווישן די מ”ח דברים שהתורה נקנית בהן (אבות פרק ו’) איז דער ‘בשמיעת האוזן’ די צווייטע קנין, זעט אויס אז דאס ‘צוהערן’ איז דער שליסל צו קונה זיין תורה ומצוות, און הערשט נאכדעם רעכנט די משנה אויס נאך 46 קנינים.

מ’קען דאס גאר גוט פארשטיין ווען עס קומט צו די סוגיא פון ‘עסקנות’: אז כדי צו קענען ארויסהעלפן א צווייטן, מוז מען אריינלייגן אסאך צייט און געדולד אויף וואס מ’הערט, ווייל וויפיל בעסער מ’קען יענעם ‘אויסהערן’, אלס בעסער וועט מען פארשטיין וויאזוי אים צו קענען העלפן, און פיל בעסער ארויסהאבן די נושא ארום און ארום.