אינהאלסרייכע טיפס פאר עסקנים

אלס א המשך צום פאריגע וואכעדיגן טיפ, אז אין עולם העסקנות איז מען נישט אייביג זוכה צו זען די בעסטע רעזולטאטן – קען מען אויך אויפפאסן אז ס’זענען פארהאן עסקנים וואס זענען שטארק מצליח אין א געוויסע תחום, און שפירן זיך כסדר שעפעריש און אויפגעהייטערט דארט ווי זיי טוען אויף גדולות ונצורות.

אבער ווען ער – דער זעלבער מענטש – טוישט זיין עסקנות פאזיציע (ביי אן אנדערע ארגאניזאציע אדער דזשאב), אדער אויב דער איצטיגער מוסד טוישט ארום זייער הלוך ילך, קען זיך דעם עסקן’ס מוצלח’דיג עבר טוישן צו אן אנדערע ריכטונג, אמאל צום בעסערונג און אמאל פארקערט.

‘עסקנות’ האט אסאך מיני אפטייטשונגען, פארשטייט זיך אז ס’איז לא ראוי זה כראוי זה, מ’זעט אמאל אן עסקן פירט דורך א פראיעקט וואס ווערט געקרוינט מיט הצלחה, און אמאל – אפילו דער זעלבער עסקן, קען פרובירן עפעס וואס ענדיגט זיך מיט א דורכפאל, וויאזוי קען מען אפשאצן אויב דער עסקן טויג אדער נישט?!

איז אזוי: געווענטליך א סוקסעס’פולער עסקן האט שוין גראדואירט דעם ‘שבע יפול צדיק וקם’, און ווייסט גאנץ גוט אז ‘עסקנות’ איז נישט מער ווי ‘שתדלנות’, במילא איז זיין צוגאנג בעיקר צו טון די מאקסימום השתדלות (אין די נושא וואס ער וויל עררייכן), טראץ דעם וואס נישט אלעמאל עררייכט מען די געוואונטשענע רעזולטאטן,