אינהאלסרייכע טיפס פאר עסקנים

עס זענען פארהאן אסאך געלונגענע עסקנים וואס זענען נישט אזוי באשעפטיגט מיט עסקנות אינעם טאג-טעגליכן סדר היום, אבער מאידך גיסא ווען מ’דארף זיי האבן, שטעלן זיי זיך צי מיטן פולסטן אייפער און קומען שטארק צוניץ פאר כלל ישראל, (א שטייגער ווי אין א זומער קעמפ, נסיעות, ימים טובים, יומא דפגרא אדער יארצייט).

ס’איז פארשטענדליך אז איידער מ’שפרינגט אריין אין א פראיעקט בעולם המסחר, דארף מען גוט שוקל זיין פינאנציעל די הוצאות און הכנסות, זיכער צו מאכן אויב די קומענדיגע שריט וואס מ’נעמט איז טאקע אויסגעהאלטן, ווייל דער גאנצער יסוד אין ביזנעס איז דאך ‘לשם ביזנעס’.

צומאל פרובירן שתדלנים און עסקנים עוסק צו זיין אין געוויסע אקטיוויטעטן פאר א לאנגע צייט, און מ’זעט נאכנישט דער ריכטיגער וועג אנצוקומען צו די געשאצטע רעזולטאטן, און מ’זוכט פארשידענע אופנים צו פארשנעלערן די פראצעדור, ספעציעל ווען די צייט לויפט אויס, און מ’דארף ספאנטאן מחליט זיין אזוי צי אזוי.

צומאל קען אן עסקן שפירן אומבאקוועם ביים מיטארבעטן מיט א מענטש וואס האט אייגענע נגיעות, און טראץ דעם וואס מ’שמועס דאס קלאר אויס פון פאראויס, קען מען נאך אלס בלייבן אומבאקוועם און ניטאמאל וויסן פארוואס…

ס’איז וויכטיג צו וויסן אז ביים טון עפעס לטובת הכלל – וואס איז נישט גענצליך לטובת הכלל, נאר לטובת איינצעלנע מענטשן… קען דאס צום סוף ברענגען פארקערטע רעזולטאטן, טראץ דעם וואס מ’קען דאס נישט באמערקן אין אנהויב,

אסאך מאל ווען מ’איז עוסק אין צרכי רבים, קען מען אנהויבן שפירן ווי מ’איז נישט ביכולת צו פאסן א סענסיטיווע באשלוס, וואס לאמיתו של דבר – קען עס אמאל זיין עפעס וואס וועט אפעקטירן ארומיגע מענטשן, און דערצי קען עס אויך טוישן געוויסע פריערדיגע פרינציפן, אזעלכע זאכן וואס זענען שווער צו נעמען אויף די אייגענע פלייצעס.

מצד שני, אפשטופן א החלטה און ווארטן אויף א שפעטערע געלעגנהייט מוז נישט זיין דער ריכטיגער מהלך, ספעציעל אז מ’וועט סיי ווי מוזן באשליסן – אזוי צו אזוי.

עס איז מערקווירדיג צו נעמען א מוסר השכל פון די בעפארשטייענדע ‘חול המועד טעג’, ווי ביים אלגעמיינעם ציבור איז די גיסטע פון די חוהמ”ד טעג פיל בעסער ווי במשך דעם יאר, ס’שפירט זיך עפעס ווי שמחה’דיגע טעג אדער ווי מ’איז אויף וואקאציע, וואס דאס איז אייגענטליך א באזונדערע חסד וויאזוי השי”ת האט אויסגעשטעלט די ימים טובים, אז דער מענטש זאל אפ-ענדיגן די פריערדיגע תקופה און זיך אנזאפן מיט פרישע כוחות, צו אנהויבן די נייע תקופה מיט א פרישקייט.

מיר קענען פון דעם ארויסנעמען א וויכטיגע לעקציע במשך דעם גאנצן יאר, אז ווען א מענטש האט פארענדיגט און עררייכט אלעס

צווישן די מ”ח דברים שהתורה נקנית בהן (אבות פרק ו’) איז דער ‘בשמיעת האוזן’ די צווייטע קנין, זעט אויס אז דאס ‘צוהערן’ איז דער שליסל צו קונה זיין תורה ומצוות, און הערשט נאכדעם רעכנט די משנה אויס נאך 46 קנינים.

מ’קען דאס גאר גוט פארשטיין ווען עס קומט צו די סוגיא פון ‘עסקנות’: אז כדי צו קענען ארויסהעלפן א צווייטן, מוז מען אריינלייגן אסאך צייט און געדולד אויף וואס מ’הערט, ווייל וויפיל בעסער מ’קען יענעם ‘אויסהערן’, אלס בעסער וועט מען פארשטיין וויאזוי אים צו קענען העלפן, און פיל בעסער ארויסהאבן די נושא ארום און ארום.

א חשוב’ער לייענער האט אונז אויפמערקזאם געמאכט: אז ס’איז נאך נישטא קיין פלאטפארמע פאר סתם יחידים, צו קענען ‘כאפן א מצוה’ ביי סטאבילע חסד ארגאניזאציע’ס, ווי מ’קען אנטיילנעמען אין פראיעקטן אין וואס כלל ישראל נויטיגט זיך, צב”ש: אויב איינער האט אמאל איבריג צייט אדער א טאג וואס מ’ארבעט נישט, און מ’וויל דאמאלס גיין באזוכן מענטשן אין תפיסה / שפיטאל, אדער צולייגן א האנט ביי אן ארגאניזאציע וואס קען ניצן א צייטווייליגן וואלונטיר.

און בעצם די שאלה אליין, ברענגט נאך א שאלה – ווי ס’פאסט פאר א איד צוריק צו פרעגן: אה, מי כעמך ישראל?!

די אויבנדערמאנטע שאלה האט נאך נישט קיין ספעציפישע ענטפער, אבער ס’איז ראטזאם פאר די וואס זענען ביכולת: צו פארשפרייטן א “ליסטע פון וואוילטעטיגע ארגאניזאציעס” וואס קענען ניצן מער צייטווייליגע וואלונטירן ‘בגוף ובנפש’ סיי איינמאליגע עסקנים און סיי לאנג-טערמיניגע עסקנים פאר די צוקונפט, (א שטייגער ווי דעליווערן שבת פעקליך, ארומגיין צו שפיטעלער און תפיסות, באזוכן עלטערע אידן אינדערהיים, משמח זיין אלמנות און יתומים), און ווען ס’כאפט איינעם א ‘גוטע מינוט’ צו טון עפעס פאר א צווייטן איד, וועט ער האבן די ‘סגולה’ גלייך ביי די האנט…

צומאל זעט מען א געשמאקער עסקן וואס דרייט א וועלט, און ווען ער בעט פאר הילף שפירט מען: מ’קען מיינען ער דארף באמת מיין הילף? “ער וועט זיך שוין אן עצה געבן אן מיר”. דארף מען געדענקען דעם כלל: אל תסתכל בקנקן, מ’קוקט נישט וויאזוי דער עסקן זעט אויס פונדרויסן, וואס ער פירט איצטערט אדורך, און וואס ער האט שוין אויפגעטון אין די פארגאנגענהייט.